بدور

بدور .. شافتنى..ببص عليها
ضحكت لى بعنيها..
ضحكة بريئه..
قالتلى فيها..
مين انت ياللى..
خدت قلبى من اول دقيقه !

وانا قاعد بين صُحابى
ومش معاهم !
تهت انا ف عنيها
بعت رساله ليها..
قلت فيها
وحياتك يا بدور
انتى اللى انا بدور
من زمان عليها !

سيبنا الناس حوالينا
وقعدنا نبعت لبعض بعنينا
رسايل حب وغرام
دوبنا فيها..
وعشنا فيها
وعشنا قصة حب
من غير ما نكلم بعضنا

وعدى اليوم..
والوقت واقف ف عنيها !
نسينا الهموم..
واديك شايف يا قلبى..
حنية عنيها !
عشت الليل معاها..
ف حلم جميل..
ياريتنى اصبح وياها !

بدور.. حبيتك يا بدور
بفكر فيكى
من الصبح للسحور !
ساكنه جوايا..
واديتك هوايا
ورسمت بيكى ..
كل السطور !

ف قلب القمر..رسمتك
وكتبت اسمك بحروف الشمس
على كل نجمه ليل..
بتعشق الهمس همس
النجم للعشاق..!
وهما سهرانين..
يقولو بس!
لقيناااه.. حبيب بكره..وحبيب الامس!




جه اليوم اللى بعديه
وانا حاسس ان بدور قدامى
اهى..بالظبط..
زى ما كانت واقفه قدامى..
وانا ف احلامى!
سرحت تانى..
ودبت تانى
حسيت انها حبيبى الاولانى
غمضت عليها رمش عينى..
وهى دابت بينى وبين احضانى!

بينى وبين نفسى بقول..
هى دى اكيد..
الل بحلم اموت فيها شهيد
وياما ناديت عليها
مع كل صُبح جديد
اكيد هى..!
لا لا .. مش معقول!

بدور.. اسمك بجد من نور
بيشفى كل الهموم
ده قلبك رسول
ومعاه أجمل عيون
رمشها.. سحر مفتون


انتظرونا

m7md shms