باي باي

باى باى


اعذرني ياقلبي.
فهمتك ان بعاده عنى..
ده عادى !
كدبت عليك وعليهم..
وقلت ده مجرد ماضي !

فيه ناس صدقتْ..
لما شافوا الضحكه بجد..
مايعرفوش ان الل فيا
مامرش ع حد ..!

اعذرني ياقلبي..
مش بايدى الجرح
لو عليا..
هرجع له الصبح..
وأوهم نفسى ان حبه..
كان فعلا صح..!

طب ايه اللى حصل..
انا معرفش !
وايه بقى العمل ..
ما يفرقش !

ما خلاص..
الحب أصبح بح..!

من غير سبب..قالى باى باى!
مع انه زمان..
كان يحلم اقوله بس هاى !
ياما نادى عليا..
وكان ردى.. حاضر..جاى !

ادتله حياتى وفرحى.
وفوق كل ده..
ادتله كمان قلبى..
وف الاخر..
كان كل همه..جرحى !

طب ذنبى انا ايه..!
كل ده عشان حبيت
ده عليه انا قلت..
هو ده اللى اتمنيت !

طب اتكلم...قوول
عملتلك انا ايه..!
بجد بقى يا حبيبى..
مش معقوول !

امشى.. رووح
ياقلبى انا مش مجروح !
ده ما يستهلش منى..
انى اعيش كده ف جروح !

بجد خساره فيك دمعتى ..
وخساره زمان بيك فرحتى.
وهرجع تانى لوحدتى..
بعد ما انساه..
واشيله خالص من سكتى !

محمد شمس